Admin
Admin
عدد الرسائل : 237
تاريخ التسجيل : 21/01/2007
 |  موضوع: صوره لن تتكرر ولم تتكرر الصوره التى تكاتفت الحكومه لعدم نشره  الإثنين فبراير 26, 2007 8:31 am | |
| [size=12][size=18]
بسم الله الرحمن الرحيم
طبعا كلنا تابعنا حادثة العباره المصريه السلام 98 واللى انتهت بكارثه مات فيها 1050 شخص مصرى اغلبهم عمال شباب بيشتغلوا فى السعوديه وكانوا راجعين لاهلهم بشوق ولهفه لكن ممدوح اسماعيل وشركته استخسرت فيهم الفرحه دى وللاسف ماتوا موته مهينه جدا حتى للحيوانات
الصوره اللى هتشوفوها دلوقتى اكيد هتقولو متفبركه .. انا نفسى قلت كده او ما شفتها لكن لما تعرفوا ان الصوره دى نشرتها وكالة الانباء الفرنسيه وطبعا دى اشهر وكاله فى العالم والصوره دى برضوه لقطت بواسطة الاقمار الصناعيه والصوره دى برضوه اللى فاضل لازم تعرفوه هوه انها منعت من النشر فى مصر ودفعت الحكومه مبلغا كبيرا من المال لشرائها من الوكاله
يا جماعه الصوره دى مش مجرد صوره دى مهزله كبيره جدا وبتكشف ان كل اللى اتقال من الحكومه عن الانقاذ السريع ده كله كدب فى كدب لان لو ركزت فى الصوره دى هتعرف انا قصدى ايه :
1 - طبعا من الملاحظه ان الاشخاص اللى غرقانين تقريبا يكادوا يكونوا عراه والواضح ان الهدوم تمزقت والسبب هنا انهم فضلو فى المياه اكثر من 12 ساعه زى ما العلم بيقول
2 - الوكاله قالت انها التقطط الصوره دى بعد 12 ساعه من غرق السفينه معنى كده ان لو حتى كان فيه بينهم احياء كان من الطبيعى انهم يموتوا والسبب طبعا الارهاق والجوع والبرد و درجة الملوحه
3 - بالنظر لأعلى الصوره هنجد سيده صريعه تكاد تكون من غير ملابس هل السيده دى قلعت هدومها قبل ما تموت ؟ ... يبقى النظريه صح
يا جماعه المشكله اكبر من ان سفينه تغرق او باخره تولع المشكله هنا موت 1050 شخص فى كارثه غير عاديه وطبعا الموضوع نام واتقفل لان الناس اتلهت فى الكوره وفى انجاز مصر التاريخى والعالمى فى فوزها بكاس الامم الافريقيه والمنتخب خد 25 مليون جنيه يعنى متوسط كل لاعب 800 الف جنيه بالمقارنه لكل اسر الضحايه اللى كل اسره خدت 20 الف جنيه !!!!
بالذمه مش مهزله ؟؟ حياة انسان توازى 20 الف جنيه ؟؟ الانسان بقى رخيص للدرجه دى ؟؟ وصلت بينا السفاله ان تبقى الكوره اغلى من حياة انسان واسره كامله ؟؟
الصوره دى امانه فى رقبتكم تنشروها فى كل مكان عشان الناس تصحى بقى ويفوقوا للى بيحصل ويعرفوا انهم ممكن يبقوا مكان الناس دى اللى ماتوا موته مهينه فى عرض البحر ومن غير ملابس والعالم كله يصورهم وهما موتى[/size][/size]  . | |
|
